Adolygiad Cyfnodol Cyffredinol (UPR)

Mae’r Deyrnas Unedig yn cymryd rhan yn y broses Adolygiad Cyfnodol Cyffredinol (UPR). Mae hyn yn broses adolygiad cyfoedion a gyflawnir gan Gyngor Hawliau Dynol y Cenhedloedd Unedig i asesu’r sefyllfa hawliau dynol ym mhob Aelod Wladwriaeth y Cenhedloedd Unedig.

Mae’r UPR yn asesu i ba raddau mae’r gwladwriaethau yn rhoi hawliau dynol ar waith, gan edrych ar rwymedigaethau hawliau dynol pob gwladwriaeth fel y sefydlwyd yn:

• Siarter y Cenhedloedd Unedig
• y Datganiad Cyffredinol o Hawliau Dynol
• y cyfamodau hawliau dynol rhyngwladol mae pob gwladwriaeth wedi cytuno iddynt
• ymrwymiadau gwirfoddol, fel polisïau hawliau dynol cenedlaethol
• cyfraith ddyngarol ryngwladol berthnasol (sy’n rheoleiddio cwrs rhyfel)

How the treaty is monitored

Dan yr UPR, fe adolygir sefyllfa hawliau dynol pob Aelod Wladwriaeth o’r Cenhedloedd Unedig pob 5 mlynedd. Mae’r adolygiad yn cael ei gyflawni gan Weithgor yr UPR, sy’n cynnwys y 47 aelod o Gyngor Hawliau Dynol y Cenhedloedd Unedig. Dysgwch fwy am y cylchoedd adolygu blaenorol.

Mae yna bedwar cam yn y cylch UPR. Gall sefydliadau cymdeithas sifil ymgysylltu trwy gydol y broses hon. Mae gan y Cenhedloedd Unedig wybodaeth ar sut i gymryd rhan ar ei wefan. Ceir rhagor o wybodaeth ar y cylch UPR a chyfranogiad cymdeithas sifil ar UPR Info.

Adolygiad Cyfnodol Cyffredinol (UPR) treaty cycle

Mae’r cylch UPR ar hyn o bryd ar gam 4: Llywodraeth yn gweithredu argymhellion.