Confensiwn Rhyngwladol ar Ddiddymu Pob Math o Wahaniaethu Hiliol (CERD)

Cytuniad hawliau dynol rhyngwladol yw CERD a fabwysiadwyd ym 1965. Cadarnhaodd y DU (cytuno i ddilyn) CERD ym 1969. Drwy gadarnhau CERD, mae’r DU yn cytuno i gymryd camau i ddileu gwahaniaethu ar sail hil o bob math, gan gynnwys:

• dileu casineb hiliol ac anogaeth i gasineb
• cymryd camau i frwydro yn erbyn rhagfarnau sy’n arwain at wahaniaethu ar sail hil
• gwarantu mwynhad o hawliau sifil, gwleidyddol, economaidd, cymdeithasol a diwylliannol heb wahaniaethu ar sail hil, lliw, neu darddiad cenedlaethol neu ethnig

How the treaty is monitored

Mae gweithrediad CERD yn cael ei fonitro gan Bwyllgor y CU ar Ddileu Gwahaniaethu ar sail Hil. Bob pum mlynedd, mae’r Pwyllgor yn adolygu pa mor dda y mae pob gwladwriaeth yn rhoi’r hawliau yn CERD ar waith. Darganfod mwy am gylchoedd adolygu blaenorol.

Ymgysylltu a chyfranogiad

Gall sefydliadau cymdeithas sifil a rhanddeiliaid eraill ymgysylltu drwy gydol y cylch monitro cytuniadau. Mae’r CU wedi darparu gwybodaeth ar sut i gymryd rhan. Cynhyrchwys canllaw ar gyfer cymdeithas sifil gyda gwybodaeth ar sut i gymryd rhan.

Er enghraifft, efallai y byddwn yn cynnal gweminarau neu drafodaethau bord gron, yn comisiynu sefydliadau i gynhyrchu adroddiadau ar ran y gymdeithas sifil ehangach, neu’n darparu cymorth ariannol i gynyddu cyfranogiad yn sesiynau tystiolaeth lafar y Cenhedloedd Unedig.

Byddwn yn comisiynu hyd at uchafswm o un prosiect cymdeithas sifil fesul cylch. Yn fwyaf diweddar fe wnaethom ddarparu cyllid i’r Runnymede Trust a Race Equality First fel rhan o’r cylch adrodd presennol i gynhyrchu adroddiadau cymdeithas sifil ar gyfer Cymru a Lloegr.

Confensiwn Rhyngwladol ar Ddiddymu Pob Math o Wahaniaethu Hiliol (CERD) treaty cycle

Mae cylch adolygu’r CERD ar hyn o bryd ar cam 6: Llywodraeth yn gweithredu argymhellion.

Adroddir i’r Pwyllgor ar Ddileu Gwahaniaethu ar sail Hil o dan y weithdrefn adrodd safonol.

Mae’r amseriadau a roddir isod yn amcangyfrifon a gallant newid, yn enwedig o ganlyniad i oedi ac ôl-groniadau yn y Cenhedloedd Unedig. Gall amseriadau newid hefyd oherwydd cynlluniau’r Cenhedloedd Unedig i symud i gylch adolygu wyth mlynedd rhagweladwy ar gyfer pob corff cytuniad. Gall dyddiadau cau ar gyfer cyflwyno tystiolaeth gael eu cadarnhau gan y Cenhedloedd Unedig ar fyr rybudd, felly cynghorir rhanddeiliaid sy’n dymuno cyflwyno i baratoi ymlaen llaw.